"Барселона" бош мураббийи Хави Эрнандес муҳим ўйинларда кетма-кет икки мағлубиятга учраганига қарамай, жамоада қолиши мумкин. Эслатиб ўтамиз, аввалига каталонияликларни "ПСЖ" Чемпионлар лигасидан чиқариб юборган бўлса, кеча улар “Реал”га имкониятни бой бериб, Ла Лига чемпионлигини қўлга киритиш имкониятидан деярли маҳрум бўлишди.
Jijantes хабарига кўра, "Блауграна" президенти Жоан Лапорта мураббийни қолишга ишонтириш учун бугун Хави билан учрашади. Эрнандес ёзги трансфер ойнасида сифатли трансферлар кафолатини олса, президент таклифини қабул қилади.
Хави "Барселона"ни 2021 йилнинг кузидан бери бошқариб келмоқда. Ўшандан бери мутахассис клубга Ла Лига ва Испания Суперкубогини ютишда ёрдам берди.
