"Бавария" бош мураббийи Томас Тухель Англиянинг "Манчестер Юнайтед" клуби раҳбарияти билан алоқада бўлди, дея хабар беради журналист Георг Хольцнер.

Манбанинг хабарига кўра, германиялик мутахассис "Бавария"да қолмайди ва режалаштирилганидек, жорий мавсум охирида клубни тарк этади.

Эслатиб ўтамиз, аввалроқ Тухелнинг ўзи “Бавария”да қолишни сўрашса ҳам, қолмаслигини айтган эди. Томас Мюнхен клубини ўтган йилнинг март ойидан бери бошқариб келмоқда. Ўшанда германиялик мутахассис кутилмаганда бу лавозимда ҳамюрти Юлиан Нагельсманни алмаштирди.

Тухель 2022/2023 йилги мавсумда Мюнхен билан Бундеслигада ғолиб чиққан. 2025 йилнинг июнига қадар тузилган шартнома шу йилнинг ёзида тугатилади.