"Интер" бош мураббийи Симоне Индзаги А Серияда "Милан"га қарши ўйин олдидан рақиб мураббийи Стефано Пиоли ҳақида ўз фикрлари билан ўртоқлашди.

"Дерби ҳар доим дерби, шунинг учун бу ажойиб туйғу. Биз сўнгги кунларда қаттиқ ва яхши ишладик, бу "Интер" учун алоҳида кун бўлиши мумкин.

Айтишим мумкинки, Пиоли мен учун ажойиб мураббий ва ажойиб инсон. У "Лацио"да бўлганида мен у билан мулоқот қилганман ва у менга доимо маълумот олиш имкониятини берган. У "Милан" билан ажойиб йўлни босиб ўтди, унинг келажаги қандай бўлишини билмайман. Унга энг яхши тилакларимни тилайман”, - деди Индзаги.

Аввалроқ Стефано Пиоли мавсум якунида жамоани тарк этиши мумкинлиги ҳақида хабар берилганди.

"Милан" – "Интер" учрашуви 22 апрель куни соат 23:45да бошланади. Агар "Интер" ғалаба қозонса, Индзаги жамоаси муддатидан аввал Италия чемпионига айланади.