"Арсенал" бош мураббийи Микел Артета "Челси"га қарши ўйин олдидан ўз фикрларини билдириб ўтди. Уларнинг етакчиси Коул Палмер касаллик туфайли "пенсионерлар" сафида ўйнамаслиги мумкин.
"Палмер ўйнамаслиги мумкинми? Мен буни назорат қила олмайман. “Челси” таркибининг сифатига қарасангиз, бу ажойиб. Сўнгги пайтларда улар яхши натижаларни кўрсатмоқда. Улар турнир жадвалидаги ўз ўринлари кўрсатганидан анча яхши ўйнашади. Албатта, бизни қийин ўйин кутиб турибди”, деди Артета матбуот анжуманида.
"Арсенал" ва "Челси" ўртасидаги дерби 23 апрель, сешанба куни бўлиб ўтади.
