Бразилиялик ҳимоячи Тиаго Силва жорий мавсум якунида эркин агентга айланади. Журналист ва инсайдер Фабрицио Романонинг ижтимоий тармоқларида хабар беришича, 39 ёшли футболчи "Челси"ни тарк этади.
Силва Лондон клуби билан янги шартнома имзоламайди. Қайд этилишича, ҳимоячига Бразилиянинг "Флуминенсе" клуби қизиқиш билдирмоқда.
Силва 2020 йилдан бери "Челси" ўйинчиси. Жорий мавсумда футболчи Англия чемпионатида "Челси" сафида 25 та ўйин ўтказиб, уч бор рақиблар дарвозасига зарба бера олди. Футболчининг трансфер қиймати 2 миллион еврога баҳоланмоқда.
