"Барселона"да Хавининг келажаги борасида келишмовчилик бор.
Relevo нашри хабарига кўра, президент Жоан Лапорта ва спорт директори Деку мавсум охирида кетишини эълон қилган бош мураббийни ишонтиришга уриниб кўриш борасида келиша олмаяпти.
Клуб раҳбари Хавини қолишга кўндириш кераклигига ишончи комил. Деку "Барселона Б"дан Рафаэль Маркесни тайинлашни маъқул кўради. "Кўк-анорранглилар" ва Португалия терма жамоасининг собиқ футболчисига мексикалик мураббийнинг методологияси, машғулотларга ёндашуви ва ёшлар билан ишлаш ёқади.
Спорт директорининг фикрича, Маркес кўтарилиш учун тайёр. Бундан ташқари, улар яхши муносабатларга эга.
Лапорта фикрича, "Барселона Б" мураббийига ишониш жуда хавфли бўлиши мумкин.
