Парижликлар марказий ҳимоячиси Преснел Кимпембе мавсум охиригача жамоасига ёрдам бермайди. 28 ёшли футболчи ўтган йилнинг феврал ойидан буён жароҳати сабаб сафдан чиққанди.
Франциялик футболчининг сафга қайтиши баҳорда режалаштирилган эди, аммо футболчи яқин орада майдонга тушмайди. Хабарга кўра, Кимпембе аллақачон тўп билан ишламоқда, бироқ ёзгача ўйинларда қатнаша олмайди. Шундай қилиб, марказий ҳимоячи бутун жорий мавсумни бутунлай ўтказиб юборади.
Преснел Кимпембе барча мусобақаларда "ПСЖ" асосий жамоаси сафида жами 236 ўйин ўтказган.
