“Порту” ҳимоячиси Алан Варела Европа супер клубига ўтиши мумкин. Инсайдер Флориан Плaттенбергнинг сўзларига кўра, футболчининг хизматларига "Бавария" қизиқмоқда.
Агентлар немис грандига ўз футболчисининг хизматларини таклиф қилишди. "Бавария" ҳам ўз навбатида аниқ музокараларни бошлашга шошилмаяпти. Варела мюнхенликлар учун ҳимоя чизиғини кучайтириш вариантларидан бири. Унинг товон пули 70 миллион евро.
Португалия чемпионатининг ушбу мавсумида Алан 26 ўйин ўтказиб, иккита гол ва учта голли узатмани амалга оширди. Унинг шартномаси 2028 йилнинг ёзига қадар мўлжалланган.
