"Ливерпуль" бош мураббийи Юрген Клопп "Эвертон" билан бўлажак АПЛ 29-тури доирасидаги сафар дербисининг аҳамияти ҳақидаги саволга жавоб берди.
“Албатта, бу биз учун жуда муҳим. Ўйлайманки, "Эвертон" ўзининг сўнгги икки натижаси билан лигада омон қолиш муаммосини катта даражада ҳал қилди. Биз учун эса ҳаммаси аниқ, турнирдаги вазият ниҳоятда аниқ ва бу ҳақда қайта-қайта гапиришнинг ҳожати йўқ. Бу жуда муҳим ўйин - худди бошқа барча ўйинлар каби. Биз унинг аҳамиятини аниқ биламиз", - дея Клоппнинг сўзларини келтиради "Ливерпуль" матбуот хизмати.
"Эвертон" ва "Ливерпуль" ўртасидаги мерсисайд дербиси 24 апрель куни "Гудисон Парк"да бўлиб ўтади.
