Харри Магуайр "Манчестер Юнайтед" атрофидаги шов-шувли вазиятлар ҳақида гапирди.
"Мен бу клубда анчадан бери ўйнаганман, бу клубда ҳар доим шов-шув бўлиб туради, хоҳ бу мураббий ёки футболчилар туфайли бўлсин, одатий ҳол.
Футболчилар катта босим остида ва биз ўйинларда ютқазсак ёки ёмон ўйнасак, мураббий ҳам босим остида қолади.
Ҳаммамизга маълумки, асосийси диққатни жамлаш, мавсум олдига қўйган мақсадларга содиқ қолиш ва бирга бўлишдир. Биз бу мавсумда ҳали кўп ютуқларга эриша олишимизга ишонамиз.
Биз Англия кубоги финалида ўйнашимиз керак, биз Премьер-лигада ўйнашимиз керак ва бунда бирга бўламиз.
Мураббий, футболчилар, мухлислар, ходимлар – барчамиз бир нарсани хоҳлаймиз – муваффақиятга эришиш", – деди “Манчестер Юнайтед” ҳимоячиси.
