Луис Энрике "ПСЖ"нинг эҳтимолий квадрупли ҳақидаги саволга жавоб берди.
“Шубҳасиз, биз ҳеч бир француз клуби қила олмаган ишни қила олсак мамнун бўламиз.
Бу бизни рағбатлантиради, аммо ҳозирда бизда фақат битта унвон (Франция Суперкубоги) бор, биз чемпионликни қўлга киритишимиз ва барча мусобақаларда совринлар учун курашни давом эттиришимиз керак. Бу ҳали узоқ ва машаққатли йўл", - деди “ПСЖ” бош мураббийи.
Париж клуби 29 турдан кейин 66 очко билан Лига 1 турнир жадвалида пешқадамлик қилмоқда. "ПСЖ" Чемпионлар лигаси ярим финалида Дортмунднинг "Боруссия"си билан, Франция кубоги финалида "Лион" билан куч синашади.
