"Ювентус"нинг ҳужумкор ярим ҳимоячиси Федерико Кьезанинг жамоа бош мураббийи Массимилиано Аллегри билан муносабатлари ёмон.

Агар мутахассис 2023/2024 йилги мавсум якунида жамоа бошқарувида қолса, Кьеза клубдан унинг трансферини сўрайди. Бу ҳақда La Gazzetta dello Sport нашри хабар бермоқда.

Агар Аллегри кетса, "Ювентус" Кьеза билан шартномани узайтириш имкониятини оширади. 26 ёшли футболчининг амалдаги шартномаси 2025 йилнинг ўрталарига қадар тузилгани боис, агар янги шартнома бўйича келишиб олинмаса, "кекса синьора" Федерикони трансферга қўяди.

Турин жамоаси Кьеза бир йилдан кейин текинга кетадиган вазиятга йўл қўймоқчи эмас.