Каталониянинг "Барселона" клуби президенти Жоан Лапорта ва жамоа бош мураббийи Хави Эрнандес тез орада муҳим эълон борасида ахборот беришлари керак.

Олдинроқ нуфузли инсайдер Фабрицио Романо хабар берганидек, испаниялик мутахассис кейинги мавсумда ҳам клубда қолади. Журналист Рожер Тореллонинг айтишича, бугун Хави ва Лапорта кичик матбуот анжумани ўтказиб, ҳамкорликни давом эттириш сабабларини тушунтириб беришади. Эрнандеснинг 2025 йилга қадар шартномаси бор эди, бироқ мутахассис январда ёзда жамоани тарк этишини маълум қилганди. Бироқ раҳбарият мураббийни кўндиришга муваффақ бўлди.

Қайд этилишича, Хави ва Лапорта Испания вақти билан соат 13:00да (Тошкент вақти билан 16:00) матбуот анжумани ўтказиши керак.