Премьер-лига 29-турининг қолдирилган учрашувида "Манчестер Сити" "Брайтон" дарвозасига сафарда жавобсиз 4 та тўп киритди (4:0).
"Шаҳарликлар" Премьер-лигадаги кетма-кет тўртинчи ўйинида тўрт ёки ундан кўп гол урмоқда - бу илгари уч марта содир бўлган, дея таъкидлайди Opta. “Манчестер Юнайтед” бунга илк бор 2000 йилнинг апрелида эришган бўлса, кейин ўша “Манчестер Сити” 2022 йилнинг май ойида бу натижани такрорлади ва яқинда, шу йилнинг март ойида “Арсенал” ҳам шундай муваффақиятга эришди.
Эслатиб ўтамиз, "Брайтон" билан учрашув олдидан Пеп Гвардиола шогирдлари "Лутон Таун" (5:1), "Кристал Пэлас" (4:2) ва "Астон Вилла"ни (4:1) мағлуб этганди.
