"Манчестер Юнайтед"нинг янги раҳбарияти Англия кубоги финали учун клуб ходимларига бериладиган имтиёзларни бекор қилишга қарор қилди.
Илгари 1100 га яқин ходимлар бепул чипталар ва "Уэмбли"га бориш ва қайтишга рухсат олишган. Клуб уларнинг Лондондаги меҳмонхонада жойлашиш харажатларини ҳам тўлаган. Шу билан бирга, юқори лавозимли ходимлар ва директорлар ўзлари билан дўстлари ва қариндошларини ўйинга олиб боришлари мумкин эди.
"Манчестер Юнайтед"нинг янги эгалари эндиликда ҳар бир ходим фақат битта чипта олишини белгилади. Шунингдек, улар ўйин куни "Уэмбли"га автобусда бориш ва қайтиш учун 20 фунт стерлинг тўлашлари керак бўлади. Ўйиндан олдинги тушлик ва ўйиндан кейинги зиёфатга таклифнома каби барча бошқа имтиёзлар бекор қилинди.
