Франкфуртнинг "Айнтрахт" клуби "ПСЖ" ҳужумчиси Юго Экитикани сотиб олиш имкониятини фаоллаштирди.
21 ёшли франциялик футболчи билан 2029 йилгача тўлиқ шартнома имзоланган.
Инсайдер Фабрицио Романонинг фикрича, трансфер суммаси 16,5 миллион еврони ташкил қилган. Аввалроқ парижликлар ижара учун 3,5 миллион евро олишган ва футболчининг келажакдаги сотувидан ҳам маълум фоизга эга бўлишади.
Футболчи февраль ойи бошида ижарага олинганди. Бу вақт ичида у 12 учрашувда 1 та гол урди ва 1 та голли узатмани амалга оширди.
