"Манчестер Юнайтед" бош мураббийи Эрик тен Хаг мавсум якунида инглиз клубини тарк этади. Бу ҳақда журналист Низар Кинселла ижтимоий тармоқларда хабар берди.
Манбага кўра, “қизил иблислар” мутасаддилари нидерландиялик мураббий билан хайрлашишга ҳозирлик кўрмоқда. Тен Хагнинг ўйини "Манчестер Юнайтед"нинг янги хўжайинларини қониқтирмади.
Тен Хаг 2022 йилнинг ёзида Нидерландиянинг “Аякс” клубидан “Манчестер Юнайтед” бош мураббийига айланди. Умуман олганда, 53 ёшли мутахассис барча турнирларда 108 та учрашув ўтказган бўлса, шундан 65 тасида жамоаси ғалаба қозонган, 14 тасида дуранг ўйнаган ва 29 тасида мағлуб бўлган.
