"ПСЖ" чемпионатда мағлубиятсиз ўтказилган ўйинлар сони бўйича клуб рекордини такрорлашга яқин турибди.

Бугун Луис Энрике шогирдлари 31-турда “Гавр” билан дуранг ўйнашди (3:3). Улар қўшиб берилган 5-дақиқада Гонсалу Рамушнинг голи эвазига мағлубиятдан қутулиб қолишди.

Парижликлар охирги марта Франция чемпионатида 15 сентябрь куни “Ницца”га (2:3) мағлуб бўлишган. Ўшандан бери улар 26 ўйинни мағлубиятсиз ўтказишган, жумладан, 18 ғалаба ва 8 дуранг.

Клуб тарихидаги Лига 1'да энг узун мағлубиятсиз серия Лоран Блан қўл остида 2015 йилнинг августидан 2016 йилнинг февралигача бўлган 27 ўйинни ташкил этди.

Кейинги турда “ПСЖ” 11 май куни “Тулуза” билан учрашади.