"Астон Вилла" бош мураббийи Унаи Эмери "Челси" билан сўнгги ўйин ҳақида гапирди.
Англия чемпионатининг 35-туридан ўрин олган учрашув 2:2 ҳисобида якунланди.
"Бугун рақиб яхши ўйин кўрсатди. Лекин яхши натижага эришдик. Биринчи бўлимда ажойиб ўйнадик, ҳимояда яхши ўйнадик ва дарвозамиз олдида ҳеч қандай имконият қолдирмадик. Биз тўпга кўпроқ эга бўлишимиз керак эди, аммо “Челси”га қарши ўйинда буни амалга ошириш қийин. Энди барча фикрларимиз пайшанба куни бўлиб ўтадиган "Олимпиакос" билан ўйин ҳақида бўлади, бизни қийин ўйин кутмоқда", - дея испаниялик мураббийнинг сўзларидан иқтибос келтиради BBC.
