"Челси"нинг собиқ бош мураббийи Андре Виллаш-Боаш "Порту" президенти бўлди.
Эслатиб ўтамиз, Виллаш-Боаш 2010 йилдан 2011 йилгача "Порту"ни бошқарган.
Португалиялик мутахассиснинг мураббийлик фаолиятидаги сўнгги клуби Франциянинг "Марсель" клуби бўлган. У аввалроқ "Челси”, "Тоттенхэм", "Шанхай СИПГ" ва "Академик Коимбра" ва "Зенит" клубларини бошқарган.
Ҳозирда "Порту" 62 очко билан Португалия чемпионати турнир жадвалида учинчи ўринда бормоқда. Жамоа пешқадам "Спортинг"дан 18 очко ортда қолмоқда.
Кейинги турда "Порту" "Спортинг"га қарши баҳс олиб боради.
