"Порту"нинг янги президенти Андре Виллаш-Боаш жамоа бош мураббийи Сержиу Консейсауни истеъфога чиқармоқчи, дея хабар бермоқда журналист Николо Скира.
Манбага кўра, Виллаш-Боаш бош мураббийни ўзгартирмоқчи. Шу билан бирга, Консейсау 25 апрель куни клуб билан шартномасини 2028 йилгача узайтирди. Хабар қилинишича, янги келишув президент Пинту Да Коштанинг қайта сайланиши билан боғлиқ эди, бироқ у сайловда Виллаш-Боашга ютқазди.
Консейсау клубни 2017 йилдан бери бошқариб келмоқда. 49 ёшли мутахассис қўл остида “Порту” уч марта Португалия чемпиони бўлди ва уч марта мамлакат кубогини қўлга киритди.
