"Барселона" бош мураббийи Хави Испания чемпионатининг 33-туридан ўрин олган "Валенсия"га қарши ўйинда (4:2) дарвозабон Марк-Андре тер Штегеннинг хатосига изоҳ берди. Дарвозабон эпизодларнинг бирида тўпга чиқишда муваффақиятсиз ўйнади ва бу гол ўтказиб юборилишига олиб келди.

“Тер Штеген доимо бошқаларга ёрдам беришга эътибор қаратади, шунинг учун хатосидан кейин нега ҳамма уни қўллаб-қувватлаганини тушунаман. Тер Штеген кийиниш хонасидаги энг севимли футболчилардан бири. Ҳар бир инсон бир-бири билан жуда яхши муносабатда", — деб Хави сўзларини келтирмоқда Barsa Universal.

"Барселона" Ла Лигадаги сўнгги олти ўйинда бешинчи ғалабасини қўлга киритди. Жамоа кейинги турда “Жирона”га қарши баҳс олиб боради.

Жорий мавсумда Тер Штеген барча турнирларда 31 та ўйин ўтказиб, 32 та гол ўтказиб юборди ва 14 та ўйинда дарвозаси даҳлсизлигини сақлаб қолди.