"Барселона"нинг собиқ футболчиси Роберто Бонано "кўк-анорранглилар" бош мураббийи Хавининг мавсум якунида ўз лавозимида қолиши ҳақидаги қарорига изоҳ берди.

"Хави "Барселона" бош мураббийи бўлиб қолгани жуда яхши. У клубни, унинг хусусиятларини жуда яхши билади, қийин вазиятларда қандай манёвр қилишни билади, чунки унда "Барселона" ДНКси бор. У бу клубда футболчи сифатида ривожланди ва мураббий сифатида камол топганини аллақачон исботлаган. У жамоа билан чемпионликни қўлга киритган, ниҳоят Чемпионлар лигасида ўзини кўрсатди ва бу тузилмадаги катта қийинчиликларни инобатга олган. "Барселона"дек ўзгача жамоага мос мураббийни топиш қийин бўларди. Жамоа унинг қарорига қувноқ муносабатда бўлгани ҳам жуда муҳим, "Валенсия" билан ғалабали ўйин жамоа бу қарордан мамнун эканлигини исботлайди", - деди Бонано.

Эслатиб ўтамиз, Хави "Барселона"ни 2021 йилдан буён бошқариб келмоқда. Унинг қўл остида "кўк-анорранглилар" Испания чемпионлигини қўлга киритиб, мамлакат Суперкубоги соҳибига айланишди.