"Челси" бош мураббийи Маурисио Почеттино собиқ жамоасига қарши навбатдаги учрашувдан олдинги фикрлари билан ўртоқлашди.
Эртага "кўклар" аргентиналик мураббий 2014 йилдан 2019 йилгача бошқарган "Тоттенхэм"ни қабул қилади.
"Бу яна ўзига хос ўйин бўлади, чунки мен узоқ вақт давомида бирга ишлаган одамлар билан учрашаман. Аввал айтганимдек, биз ғалаба қозонишни истаймиз", - деди Почеттино матбуот анжуманида.
Эслатиб ўтамиз, 1-турда "Челси" сафарда "Тоттенхэм"ни 4:1 ҳисобида мағлуб этганди. Тўғри, "шпорлар" ўйинни 9 нафар футболчи билан якунлади. Ўша ўйинда ҳимоячилар Кристиан Ромеро ва Дестин Удоги қизил карточка олишган.
