Австрия терма жамоаси бош мураббийи Ральф Рангник “Бавария”ни бошқармайди. Немис мутахассиси "қизил машина" раҳбариятининг таклифини рад этди. Австрия терма жамоасининг расмий сайти Рангник Европа чемпионатидан кейин ҳам жамоада ишлашда давом этиши ҳақида хабар берди.

Ральф "Бавария"нинг янги мураббий лавозимига биринчи навбатдаги номзоди эди. Жамоанинг амалдаги устози Томас Тухель мавсум охирида ўз лавозимини тарк этади. Аввалроқ Юлиан Нагельсманн ҳам "Бавария"да ишлашдан бош тортган ва Германия терма жамоаси билан шартномасини узайтиришга қарор қилганди.