Айни вақтда клубсиз бўлган италиялик машҳур мутахассис Антонио Конте Англия Премьер-лигасига қайтиши мумкин. Бу ҳақда The Sun нашри саҳифаларида хабар берилган.
Манбанинг хабарига кўра, Антонио фаолиятида иккинчи марта "Челси" бош мураббийи лавозимини эгаллаши мумкин. Сўнгги бир неча кун ичида "аристократлар" вакиллари италиялик мураббий билан музокара олиб боришди. Эслатиб ўтамиз, Конте 2016 йилдан 2018 йилгача Лондон жамоасини бошқарган.
Ҳозирда "Челси" бош мураббийи лавозимини аргентиналик Маурисио Почеттино эгаллаб турибди. 33 учрашувдан сўнг Лондон жамоаси АПЛ турнир жадвалида 9-ўринда бормоқда.
