Златан Ибраҳимович Хулен Лопетегининг "Милан" бош мураббийи лавозимига номзодини маъқуллади, деб хабар беради Испаниянинг Relevo нашри. Аввалроқ "Севилья", "Реал" ва Испания терма жамоасини бошқарган Хулен Лопетегининг унчалик юқори бўлмаган мавқеи Ибраҳимовични қўрқитаётгани ҳақида аввалроқ хабарлар тарқалган эди. Аммо энди Миланда клуб раҳбарларидан бири лавозимини эгаллаган швед фикридан қайтган.
Шундай қилиб, 2019 йилдан бери "россонерилар" билан ишлаб келаётган Стефано Пиолининг истеъфоси эҳтимоли ошиб бормоқда. "Милан" ҳозирда турнир жадвалида иккинчи ўринда бормоқда.
