АҚШ терма жамоаси таянч ярим ҳимоячиси "Барселона" ва "Атлетико Мадрид"нинг эътиборини тортди.
Diario de Sevilla хабарига кўра, Каталония ва Мадрид клублари "Бетис" ярим ҳимоячиси Жонни Кардозога қизиқиш билдирмоқда.
22 ёшли футболчининг шартномаси 2029 йилгача мўлжалланган бўлиб, товон пули 80 миллион еврони ташкил қилади. Ҳозирда "Бетис" футболчини 30 миллион атрофида баҳоламоқда, аммо ёзгача бу сумма ўзгариши мумкин.
"Барселона", "Атлетико", шунингдек, "Лейпциг" ва Дортмунднинг "Боруссия" клублари Кардозо вакиллари билан боғланиб, унга қизиқиш билдиришган. Уни Прьемер-лига клублари ҳам кузатиб боришмоқда.
Жорий мавсумда қишда 6 миллион еврога сотиб олинган америкалик футболчи Ла Лигада 12 та ўйин ўтказиб, 2 та голли узатмани амалга оширди.
