"Ливерпуль" бош мураббийи Юрген Клопп жамоа ҳужумчиси Муҳаммад Салоҳнинг келажаги ҳақида гапирди.
"Энди бу менинг муаммом эмас. Мен бу ҳақда гапиришим керак деб ўйламайман, чунки қарорни бошқа одамлар қабул қилади. Биринчи навбатда Салоҳнинг ўзи қарор қилади", деди мураббий.
Жорий мавсумда Салоҳ барча турнирларни ҳисобга олган ҳолда 41 та учрашувда қатнашиб, 24 та гол урди ва 13 та голли узатмани амалга оширди.
31 ёшли мисрлик футболчининг "Ливерпуль" билан шартномаси 2025 йилнинг ўрталарига қадар тузилган.
