"Liverpul" bosh murabbiyi Yurgen Klopp jamoa hujumchisi Muhammad Salohning kelajagi haqida gapirdi.
"Endi bu mening muammom emas. Men bu haqda gapirishim kerak deb o‘ylamayman, chunki qarorni boshqa odamlar qabul qiladi. Birinchi navbatda Salohning o‘zi qaror qiladi", dedi murabbiy.
Joriy mavsumda Saloh barcha turnirlarni hisobga olgan holda 41 ta uchrashuvda qatnashib, 24 ta gol urdi va 13 ta golli uzatmani amalga oshirdi.
31 yoshli misrlik futbolchining "Liverpul" bilan shartnomasi 2025 yilning o‘rtalariga qadar tuzilgan.