"Барселона" бош мураббийи Хави ўйинларда рақиб мухлислар Каталония клубини ҳакамларга пора беришда айблаётганига қандай муносабатда эканлигини тушунтирди.
“Мен уларнинг фикрларини тушунаман ва ҳурмат қиламан. Ҳар ким "Барселона" ҳақида ўз фикрини билдиришга ҳақли. Умид қиламанки, ҳакамлар эътибор марказида бўлишмайди ва "Жирона" билан ўйинда ҳаммасини тўғри бажаришади", - дея мутахассисдан иқтибос келтиради AS.
Айни пайтда суд Испания Қироллик футбол федерацияси (RFEF) ҳакамлар техник қўмитаси (CТА) собиқ вице-президенти Хосе Негрейра ишини текширмоқда, у Каталония клубидан 2000-2018 йиллар давомида 7,3 миллион евро олган - "техник маслаҳат" учун.
