"Флуминенсе" ва ҳимоячи Тьяго Силва вакиллари шартнома борасида келишиб олишди. 39 ёшли бразилияликнинг “Челси” билан шартномаси шу йилнинг июнь ойида якунига етади.
Globo Esports хабарига кўра, "Флуминенсе" Лондонга ҳуқуқ ва алоқа ходимларини жўнатган ва футболчи билан шартнома имзолаганини эълон қилишга шошилмоқда. У Силва Бразилия клуби сафида 2024 йилги мавсум якунига қадар бўлади.
Силва яқин ҳафталарда Рио-де-Жанейрога кўчиб ўтади, рафиқаси эса "Челси"нинг ёшлар жамоаларида ўйнайдиган болалари билан Англияда қолади.
2006 йилдан 2009 йилгача ҳимоячи "Флуминенсе" билан 97 та ўйин ўтказиб, 9 та гол урди ва 2007 йилги Бразилия кубогини қўлга киритди.
