"Арсенал" дарвозабони Давид Райя Англия Премьер-лигасининг жорий мавсумида энг кўп "қуруқ" ўйин ўтказганлик учун бериладиган "Олтин қўлқоп"ини қўлга киритди.
Бу ҳақда Премьер-лиганинг Х ижтимоий тармоғидаги (собиқ Twitter) расмий аккаунти хабар бермоқда.
Англия чемпионатининг жорий мавсумида испаниялик дарвозабон 14 марта ўз дарвозаси дахлсизлигини сақлаб қолди.
Унинг энг яқин таъқибчиси “Эвертон” дарвозабони Жордан Пикфорд 12 та ўйинда ўз дарвозаси дахлсизлигини сақлаб қолган ва бу кўрсаткич бўйича Райяга етиб олиш имкониятидан маҳрум бўлди.
Эслатиб ўтамиз, Лондоннинг “Арсенал” клубининг “Олтин қўлқоп”ни қўлга киритишга муваффақ бўлган сўнгги дарвозабони чехиялик Петр Чех бўлган (2015/2016 йилги мавсум).
