Аввалроқ "Бавария"да ишлаган Пеп Гвардиола немис гранди ҳақида гапирди.
"Мен "Бавария"га ўзи излаётган одамни бош мураббий сифатида топишини тилайман. Мен бу клубни жуда яхши кўраман. Мюнхенда ишлашда ўзимни қулай ҳис қилдим, у ерда ҳали ҳам кўплаб яхши дўстларим бор", - деди испаниялик мураббий.
Жорий мавсум якунида Томас Тухель "Бавария" бош мураббийи лавозимини тарк этади. Мюнхен топ-клуби раҳбарияти эндиликда янги мураббий изламоқда.