"Интер" бош мураббийи Симоне Индзаги Италия А Сериясининг 35-туридан ўрин олган "Сассуоло" билан сафар учрашуви (0:1) натижаси ҳақида гапирди.

"Биз мағлубиятни ёқтирмаймиз, лекин "Сассуоло"га тан бериш керак. Улар ўйиннинг биринчи ярмида биздан кўра яхшироқ киришди. Бироқ ўйиннинг иккинчи бўлимида бир нечта ўзгаришлар туфайли ўзимизни яхшилай олдик. Гарчи беш кун ичида биз А Серияда ғалаба қозониб, иккинчи юлдузни қўлга киритган бўлсак-да, бугун оқшом бу мағлубиятнинг аччиқлигини ҳис қиляпмиз", - дея Индзаги сўзларини келтиради Eurosport.

"Интер" Италия А Сериясининг 2023/2024 йилги мавсумида биринчи ўринни эгаллаб турибди. Жамоа 35 учрашувда 89 очко жамғарган.