34 ёшли испаниялик форвард Хоселунинг "Реал"га трансфери ҳужумчи учун айни муддао бўлди.
Қайд этилишича, фаолияти давомида "Хоффенхайм", "Айнтрахт", "Ганновер", "Сток Сити", "Депортиво", "Ньюкасл", "Алавес" ва "Эспаньол" каби клубларда тўп тепишга улгурган Хоселу жорий йилгача бирорта жамоавий соврин қўлга киритмаган. "Қироллик клуби"га трансферидан сўнг эса аллақачон Испания Суперкубоги ва Ла Лига чемпионига айланди.
Эслатиб ўтамиз, Хоселу ҳуқуқий жиҳатдан ҳали ҳам "Эспаньол"га тегишли. Мадрид клубида уни сотиб олиш имконияти бор.