"Брайтон" ҳужумчиси Ансу Фатининг ҳозирги жамоасида доимий равишда қолиш эҳтимоли паст. Эслатиб ўтамиз, испаниялик футболчи "Барселона"дан ижара асосида "чайкалар" сафида тўп тепмоқда.
"Брайтон" бош мураббийи Роберто де Дзерби жамоанинг сўнгги учта ўйинида Фатини захирада қолдирган ва футболчига бир дақиқа ҳам ўйнашга имкон бермаган.
Испаниянинг "Sport" нашри хабарига кўра, Фати катта эҳтимол билан келаси ёзда "Барселона"га қайтади. Мавсум олди машғулотларида Ансу бош мураббий Хави Эрнандесни Каталония клубида ўйнашга лойиқ эканлигига ишонтирмоқчи.
