Римнинг "Рома" клуби бош мураббийи Даниэле Де Росси ЕЧЛ учун йўлланма ҳақида гапирди.
"Ғалаба қозониш учун Бергамога дадил боришимиз керак. Тақвимга кўра "Аталанта"нинг ўйини ("Фиорентина" билан) кейинроқ ўтказилади.
Биз бу натижага қараб қола олмаймиз. Албатта, буларнинг барчаси бизнинг келажак натижаларимизга таъсир ўтказиши, ЕЧЛга чиқишимизга халақит қилиши мумкин. Лекин содир бўлиши керак бўлган нарса барибир содир бўлади", – деди мураббий.
Эслатиб ўтамиз, айни дамда "Аталанта" 57 очко билан 6, "Рома" эса 60 очко билан 5-ўринда бормоқда. Бироқ бергамоликларда иккита захира ўйини мавжуд.
