"Жирона" Чемпионлар лигаси йўлланмасини қўлга киритди, аммо муаммо бор - клуб акцияларининг бир қисми "Манчестер Сити"га эгалик қилувчи City Football Group холдингига тегишли.
ESPN хабарига кўра, Чемпионлар лигасида ўйнаш учун испан клуби ўзининг "Манчестер Сити"дан ташкилий мустақиллигини УEФА молиявий назорат органига исботлаши керак бўлади.
Акс ҳолда, клублардан бири турнирга қабул қилинмаслиги мумкин. УEФА қоидаларига кўра, агар умумий эгаси бўлган иккита жамоа битта турнирга кирса, у ҳолда фақат ўз миллий чемпионати турнир жадвалида юқори ўринни эгаллаган жамоага рухсат берилади.
