"ПСЖ" бош мураббийи Луис Энрике "Боруссия"га қарши Чемпионлар лигасининг жавоб ярим финали олдидан Килиан Мбаппенинг майдондаги вазифалари ҳақида гапирди.
"Мен ҳужумчининг тўп учун майдон марказига югуришини истамайман. Ҳужумчи муҳим жойларда тўпга тегишини истайман ва бу қийин. Биламан, сиз Килиан ҳақида гапиришни яхши кўрасиз. Очиғи, рақибларимиз уни жарима майдончасида эркин қўймоқчи эмас, балки ярим ҳимояда тўп билан ўйнашга имкон беришлари мумкин. Мен унинг тўпга хавфли бўлган жойда тегишини истайман" - деди Энрике журналистларга.
"ПСЖ" – "Боруссия" учрашуви 7 май, сешанба куни бўлиб ўтади. Дастлабки ўйинда парижликлар 0:1 ҳисобида мағлуб бўлишди.
