Луис Энрике Чемпионлар Лигасидаги эҳтимолий мағлубиятга қандай муносабатда бўлиши ҳақидаги саволга жавоб берди.

Эртага "ПСЖ" Чемпионлар лигаси ярим финал жавоб ўйинини "Боруссия"га қарши ўтказади. Дастлабки ўйинда парижликлар 0:1 ҳисобида мағлуб бўлган.

- Турнирни тарк этсангиз буни омадсизлик деб ҳисоблайсизми? (Савол Испаниянинг El Chiringuito шоуси томонидан берилди)

- Бу жуда испанча савол. Сиз ҳар доим салбий нарсани кўрасиз.

Ҳаёт давом этмоқда. Қуёш чиқади ва қуёш Парижда бўлса, у ҳар доим ажойиб бўлади.

Биз спортчилар сифатида рақибимиз бунга лойиқ бўлмаса ҳам, уни олқишлаймиз.

Биз рақибни табриклаймиз, тушкунликка тушган бўлсак ҳам, ғурур билан айтамиз: "Келгуси мавсумда қайтамиз ва буни яна амалга оширамиз", - деди "ПСЖ" бош мураббийи Луис Энрике.