"Барселона" футболчиси Ферран Торрес яқинлашиб келаётган трансфер ойнасида сотилиши мумкин. Каталония гиганти ўз таркибини бир қанча нуфузли трансферлар билан кучайтиришни режалаштирмоқда, бироқ уларни амалга ошириш кўплаб сотувларни талаб қилиши мумкин.
Журналист Давид Бернабеунинг фикрича, "Барселона" Торрес бўйича таклифларни тинглашга тайёр. 24 ёшли футболчига "Атлетико Мадрид" ва Англия Премьер-лигаси вакиллари қизиқиш билдирмоқда.
Ферран Торрес бу мавсумда Хави Эрнандес жамоаси сафида 39 ўйинда майдонга тушиб, 11 гол ва 4 голга ассистентлик қилган. Transfermarkt портали маълумотларига кўра испаниялик вингернинг нархи 35 миллион еврони ташкил қилади.