"Барселона" "Атлетико Мадрид"дан ижарага олинган ҳужумчи Жоау Феликснинг келажакда клубда қолишига ишончи комил эмас.
Португалияликнинг ижара муддати мавсум якунланганидан кейин тугайди. Мавсум давомида оммавий ахборот воситалари каталонияликлар футболчининг тўлиқ трансферини расмийлаштириш нияти ва бош мураббий Хави Эрнандеснинг форвард ўйинидан норозилиги ҳақида бир неча бор хабар беришган. Журналист Ферран Корреаснинг янгиланган маълумотларига кўра, "Барселона" ҳозир Феликсни сотиб олиш мақсадга мувофиқлигига жиддий шубҳа қилмоқда. 24 ёшли футболчининг келажаги ноаниқлигича қолмоқда.
Феликс Каталония грандининг барча турнирларда 41 ўйинида қатнашиб, ўнта гол ва олтита голли узатмани амалга оширди.
