"Ливерпуль" марказий ҳимоячиси ва сардори Виржил ван Дейк "Фейеноорд" бош мураббийи Арне Слот ҳақида фикр билдирди.
Эслатиб ўтамиз, аввалроқ нидерландиялик мутахассис Юрген Клопп кетганидан кейин мерсисайдликлар клубини бошқариши ҳақида хабар берилганди.
"Ҳозирча ҳеч қандай расмий эълон йўқ, аммо Слот "Ливерпул"нинг кейинги бош мураббийи бўлиши ҳақида миш-мишлар бор.
Кўрайликчи. Олдинда бизни иккита муҳим ўйин кутиб турибди, мавсум якунлангач, келажакка эътибор қаратамиз.
Катта ўзгаришлар келаётгани аниқ. Менимча, бу қизиқарли бўлиши керак. Мен “Ливерпуль” сардориман ва бу ерга келган ҳар бир кишига ёрдам бераман.
Қолган нарсаларга келсак, мен клуб тўғри қарор қабул қилишига тўлиқ ишонаман", - дея Виржил ван Дейкнинг сўзларини келтиради This is Anfield.
