Италиянинг "Наполи" клуби ёзда Виктор Осимхен ўрнини боса оладиган ҳужумчиларни қидирмоқда.
Журналист Маттео Мореттонинг хабарига кўра, "Наполи" "Женоа" ҳужумчиси Алберт Гудмундссон учун курашга киришган. Аввалроқ исландиялик футболчига “Милан”, “Интер”, Туриннинг “Ювентус”, Лондоннинг “Тоттенхэм” каби клублари қизиқиш билдирганди. Футболчининг ўзи фаолиятини Англия Премьер-лигасида давом эттирмоқчи эканлигини маълум қилди.
Гудмундссон А Сериянинг ушбу мавсумида 14 та гол урди. Футболчи 60 миллион еврога баҳоланмоқда. Агар "Наполи" Осимхенни 130 миллионга сотса, клуб 26 ёшли Альбертни трансфер қилиш учун пулга эга бўлади.
