Мадриднинг "Реал" клуби "Ривер Плейт" ярим ҳимоячиси трансфери бўйича музокараларнинг янги босқичини режалаштирган. Гап келажакда "Сантяго Бернабеу"га ўтишга тайёр бўлган 16 ёшли Франко Мастантуоно ҳақида кетмоқда.
Журналист Фабрицио Романонинг хабарига кўра, қироллик клуби тез орада аргентиналик ҳамкасблари билан боғланиб, ёш ярим ҳимоячининг трансфери бўйича музокаралар олиб боради.
Манбага кўра, "Реал" 45 миллион евро миқдорида товон пули тўлашга тайёр. Бироқ бу суммани бир нечта тўловларга бўлиб олмоқчи.