"Интер" Лаутаро Мартинеснинг талабларидан мамнун эмас.
Calciomercato хабарига кўра, форвард 10 миллион евродан кўпроқ маош олмоқчи, "нерадзуррилар" эса унинг талабларини қондиришга тайёр эмас. Миланликлар бош директори Беппе Маротта 8 миллиондан 9 миллион еврогача бўлган миқдорни, эҳтимол, жамоа муваффақияти учун бонуслар билан бирга, мақбул миқдор деб ҳисобламоқда.
Шу билан бирга, томонлар якунда янги шартнома шартларини келишиб олишларига шубҳа қилмаяпти. Амалдаги келишув 2026 йилгача мўлжалланган.
Жорий мавсумда А Серияда Мартинес 31 ўйинда 23 та гол урди, бу ҳаммадан кўп.
