Туриннинг "Ювентус" клуби ҳужумчиси Федерико Кьеза келаси ёзда Италия А Сериясининг бошқа клубига ўтиши мумкин, деб хабар беради Corriere della Sera. Футболчига пойтахтнинг "Рома" клуби қизиқяпти.
Хабар қилинишича, Кьеза "Жиаллоросси" бош мураббийи Даниэле Де Росси билан яхши муносабатда, шунинг учун трансфер эҳтимоли анча юқори. Бундан ташқари, ёзда Федерико чегирмага эга бўлади, чунки унинг "Ювентус" билан шартномаси бир йилдан кейин тугайди.
26 ёшли Федерико жорий Италия чемпионатида 7 та гол урди ва 2 та голли узатмани амалга оширди.
