“Ювентус” дарвозабони Войцех Шесни Лондоннинг “Арсенал” клубига қайтмайди. Олдинроқ, "канонирлар" 2023/2024 йилги мавсум охирида клубини ўзгартириши мумкин бўлган Аарон Ремсдейлга муқобил сифатида тажрибали полшаликни кўриб чиқаётгани ҳақида маълумотлар пайдо бўлганди.
Британия матбуоти хабарига кўра, лондонликлар дарвозабоннинг маоши талаблари туфайли уни қайтаришдан бош тортган.
Жорий Италия чемпионатида Шесни 33та ўйинда қатнашиб, ўз дарвозасидан 26та гол ўтказиб юборган. 16 учрашувда полшалик дарвозабон ўз дарвозасини дахлсиз сақлаб қолди.
