Чилилик тажрибали дарвозабон Клаудио Браво жорий мавсум якунлангач, "Бетис"ни тарк этади. Бу ҳақда ижтимоий тармоқларда инсайдер Фабрицио Романо хабар берди.
Журналистнинг фикрича, 41 ёшли дарвозабон испан клубини эркин агент сифатида тарк этади. Клаудио фаолиятини қаерда давом эттирмоқчи эканлиги ҳозирча номъалум.
Жорий мавсумда Браво тўққизта ўйинда қатнашиб, ўз дарвозасидан 7та гол ўтказиб юборди ва икки бор ўз дарвозаси дахлсизлигини сақлаб қолди.